jalan2 nengok ghoban

kojo ghutin bilo dok umah,pagi2 poie nengok ayam.boghi makan.sojak da ado blog ni,lau poie ghoban kono bawak kamera.haha..melilau jugak carik kamera tadi,ghupo eh ayah bawak poie skolah apit.ado pjumpoan tigo penjuru camtu la.seb bek henpon den canggih..ngeh2..

kodatangan den disambut dek kokokan ayam.ni la seko jantan yang paling bosa kek dalam ghoban ni.harap badan yo bosa.penakut leh tahan..


ayam yang ni konyang gak eh..wat dek je bilo den boghi yang laen makan.siap menggeliat laie.


sambil2 boghi yang laen makan.ni ha den sompek amek gambar ahli2 termudo kek dalam ghoban den.6 ekor anak seramo.da tigo minggu gak r umo eh.sajo x lotak luar.ayam2 bosa yang laen kaki buli.bia deh bosa sket.baru lopeh an. (^^)




leko den maen ngan anak ayam tu,tibo2 toprasan plak sbijik tolo fresh.paneh laie.


den memang ado masalah ngan ayam2 nih,betolo ghoti,mengogham tak maun..den x dapek buek po la.topakso la den buek tolo dadar..haha..tunggu la.sket maso laie.den nak sambar sbijik "incubator".haa..mesin pengogham.kok dapek laie den duit ghayo.memang copek la den dapek incubator ni..hehe..suko ati den.


ni incubator sahabat den buek.den ingat nak boli kek dio nanti.zali namo eh.http://zali-agro-farm.blogspot.com.harap eh dio x marah den amek gambar ni.kopado zali,kok ekau nak den delete gambar ni,koba an yo.(^^)


da dapek den incubator ni nanti harap eh maken btambah la ayam2 den ni..hehe..insyaAllah..da banyak sok,sonang nak buek lauk.xyah poie pasar boli ayam.ngeh2..ontah2 leh lak buek joki jual ayam an?kayo pakcik!haha..